Osasunak Zaragozan jokatuko du bihar (16:00), eta puntu premian, gainera. Ale bakarra pilatu du lau jardunalditan. Jose Luis Mendilibarrek lau hutsune izango ditu biharko: Joseba Llorente eta Patxi Puñal zigortuta daude, eta Damia nahiz Marc Bertran minez; bi horien zuloa betetzeko atzealdeko hegaletan orain arte aritu ez diren bi ariko dira.

Deialditik kanpo dira hauek ere, entrenatzaileak hala erabakita: Ruben, Masud eta Roberto Torres.

Gaur, Mendilibar azaldu da prentsaren aurrean, eta argi mintzatu da: “Irabazteko lehiatu behar dugu”. Defentsako lanari eman dio garrantzia, “erasoko jokoa aurkariaren mende dagoelako”.