Ikusten?

Egilea:

Data: 2012/08/23

EUROPAKO LIGA

Athleticek erabakita utzi du txapelketan aritzeko azken kanporaketa, Helsinki astindu eta gero joanekoan
(6-0).

Ezkorrenei zuzendua, Helsinki aurkari apal-apala dela ahaztu gabe:

Ikusten nola Athletic ere Athletic den taldean geratu nahi dutenekin bakarrik?

Ikusten nola dakien irabazten balizko izar bakarrak zelaian egon gabe ere?

Ikusten zein ondo jokatzen segitu daitekeen, joan zen denboraldiko bi titular gabe ere?

Ikusten nola ez den aldatu jokatzeko eredua, joan zen sasoian hainbeste arrakasta ekarri zuen hura?

Ikusten lan ona eginez hutsune handienak ere txiki geratzen diren?

Ikusten nola jarraitzen duen Adurizek golegile aparta izaten (gaur bi)?

Ikusten irabazteko gosea ez dutela galdu jokalariek?

Ikusten nola den Athletic Helsinki baino hobea, eta nola erakutsi duen zelaian?

Ikusten aurrelariaz gain, erdilari-aurrelariak (Susaetak, bi), erdilari-atzelariak (Iñigo Perez) eta atzelariak (Iraola) gola sartzen?

Ikusten ze entrenatzaile puska den Marcelo Bielsa? Eta nola den gai edozein talderi etekin itzela ateratzeko?

Ikusten nola itzali den sei kolperekin udan gartsu egon den (edo oraindik dago?) sua?

Ikusten Athletic Europako ligatik kanpo? Ez. Ezta ezkorrenek ere.