Osasuna hirugarrena izan da Ramon de Carranza udako trofeoan, Cadizen (Espainia).

Hirugarren eta laugarren postua zehazteko partidan aritu dira gaur nafarrak, eta irabazi egin diote etxeko taldeari (0-1). Gola Arribasek sartu du, 89. minutuan.

Atzo, finalerdia galdu egin zuen Nacional Madeiraren aurka (2-1). Kike Solak sartu zuen gola.

Gaur, Jose Luis Mendilibarrek 11ko hau atera du: Riesgo, M. Flaño, Lolo, Masoud, Armenteros, Sisi, Llorente, Oier, Lamah, Timor eta Damia. Beste hauek ere jokatu dute: Raoul Loe, Manu Onwu, Arribas eta Cejudo.