Gori-gori dago 2. B Mailako bigarren multzoa. Hiru jardunaldi falta dira, eta hainbat kontu lotu gabe daude oraindik. Goian eta behean. Eta gure talde batzuk zurrunbiloaren erdi-erdian ari dira. Gaur eta bihar hasiko dira gauzak erabakitzen.

Ligako kontuez gain, ez da ahaztu behar beste zerbait ere jokoan dutela hainbat taldek: datorren denboraldiko Espainiako Kopan aritzeko aukera. Multzo bakoitzeko lehen bostak sailkatuko dira (goragoko Mailetan dauden taldeen bigarren taldeak kanpoan geratzen dira), eta mutzo guztiak aintzat hartuz, hiru talde gehiago, puntuazio onena dutenak.

Hauxe da gureen egoera, banaka aztertuta:

• Eibar: hirugarren dago, eta oraindik ez du ziurtatuta igoerako kanporaketak jokatzea, azkenaldian kale dezente egin du eta.
• Amorebieta: laugarren sailkatua, puntuak atera beharrean da igoerako kanporaketak jokatzeko lekuari eusteko.
• Alaves: bosgarrena. 3 puntura dauka Amorebieta, eta 6ra Eibar. Baina atzekoak ere gertu dauzka.
• Athletic B: erabat libre, ez gora eta ez behera. Zortzigarren.
• Sestao River: zuzenean jaisteko arriskua uxatu zuen aspaldi, baina matematikek diote ez jaisteko kanporaketako lekuari 6 puntu ateratzen dizkiola (9 daude jokoan). Hala ere, talde asko daude atzetik, eta hondamendi latza litzateke ez jaisteko kanporaketa jokatzea. Ia ezinezkoa. Hamargarrena da.
• Osasuna B: Sestao Riverren atzetik dago, 11. Egoera bera du.
• Real Union: hamalaugarrena, eta larri. Jaitsierako azken postua 4 puntura dauka, eta ez jaisteko kanporaketakoa 2ra.
• Reala B: hamaseigarren. Liga oraintxe bukatuko balitz, ez jaisteko kanporaketa jokatuko luke. Eta zuzenean jaitsiko litzatekeen azken taldea, Arandina, 2 puntura gerturatu zaio. Salbazio erabatekoa ere 2ra dauka.
• Lemoa: azkena eta jaitsita dagoeneko.

36. jardunaldia: 

• Athletic B-Amorebieta (gaur, 16:00, ETB1)
• Lemoa-Zamora (gaur, 17:00)
• Sestao River-Palentzia (gaur, 18:00)
• Osasuna B-Eibar (gaur, 18:00)
• G. Torrelavega-Reala B (bihar, 17:00)
• Ponferradina-Alaves (bihar, 18:00)
• Mirandes-Real Union (bihar, 18:00)

37. jardunaldia:

• Sestao River-Eibar
• Palentzia-Athletic B
• Amorebieta-Logroñes
• G. Segoviana-Lemoa
• Alaves-Mirandes
• Real Union- G. Torrelavega
• Reala B-Osasuna B

38. jardunaldia

• Athletic B-Sestao River
• Lemoa-Amorebieta
• G. Torrelavega-Alaves
• Osasuna B-Real Union
• Eibar-Reala B