Gori-gori dago 2. B Mailako bigarren multzoa. Hiru jardunaldi falta dira, eta hainbat kontu lotu gabe daude oraindik. Goian eta behean. Eta gure talde batzuk zurrunbiloaren erdi-erdian ari dira.

Hauxe da gureen egoera, banaka aztertuta:

• Eibar: hirugarren dago, eta oraindik ez du ziurtatuta igoerako kanporaketak jokatzea, azkenaldian kale dezente egin du eta.
• Amorebieta: laugarren sailkatua, puntuak atera beharrean da igoerako kanporaketak jokatzeko lekuari eusteko.
• Alaves: bosgarrena. 3 puntura dauka Amorebieta, eta 6ra Eibar. Baina atzekoak ere gertu dauzka.
• Athletic B: erabat libre, ez gora eta ez behera. Zortzigarren.
• Sestao River: zuzenean jaisteko arriskua uxatu zuen aspaldi, baina matematikek diote ez jaisteko kanporaketako lekuari 6 puntu ateratzen dizkiola (9 daude jokoan). Hala ere, talde asko daude atzetik, eta hondamendi latza litzateke ez jaisteko kanporaketa jokatzea. Ia ezinezkoa. Hamargarrena da.
• Osasuna B: Sestao Riverren atzetik dago, 11. Egoera bera du.
• Real Union: hamaluagarrena, eta larri. Jaitsierako azken postua 4 puntura dauka, eta ez jaisteko kanporaketakoa 2ra.
• Reala B: hamaseigarren. Liga oraintxe bukatuko balitz, ez jaisteko kanporaketa jokatuko luke. Eta zuzenean jaitsiko litzatekeen azken taldea, Arandina, 2 puntura gerturatu zaio. Salbazio erabatekoa ere 2ra dauka.
• Lemoa: azkena eta jaitsita dagoeneko.

Gure taldeen egutegia hauxe da azken hiru jardunaldietan:

36. jardunaldia: 

• Sestao River-Palentzia
• Athletic B-Amorebieta
• Lemoa-Zamora
• Ponferradina-Alaves
• Mirandes-Real Union
• G. Torrelavega-Reala B
• Osasuna B-Eibar

37. jardunaldia:

• Sestao River-Eibar
• Palentzia-Athletic B
• Amorebieta-Logroñes
• G. Segoviana-Lemoa
• Alaves-Mirandes
• Real Union- G. Torrelavega
• Reala B-Osasuna B

38. jardunaldia

• Athletic B-Sestao River
• Lemoa-Amorebieta
• G. Torrelavega-Alaves
• Osasuna B-Real Union
• Eibar-Reala B