Ligaz Liga, hauek izan dira asteburuko emaitzak:

• Espainiako Ligan, bi oilarren borrokak bere horretan segitzen du, eta behealdean, Zaragoza suspertu egin da berriz. Gaur osatuko da 34. jardunaldia, Getafe-Sevilla partidarekin. Emaitzak eta sailkapena.
• Ingalaterran, Premier Leaguen, Manchester Unitedek bost puntuko aldeari eusten dio hiriko beste taldearen aurrean. Behean, Blackburn zuloan da berriz ere. Gaur osatuko da jardunaldia, Arsenal-Wigan partidarekin. Emaitzak eta sailkapena.
• Alemanian, Bundesligan, Borussia Dortmund ia txapeldun da, Bayern Munichek berdindu baino ez zuelako egin. 3 partida falta dira, eta 8 puntuko aldea dauka. Behean, Kaiserslautern jaitsita dago, Herthari ez zaio asko falta, eta Kolonia ez jaisteko aukerekin da oraindik. Emaitzak eta sailkapena.
• Frantzian, Ligue 1en, Montpellier liderrak galdu egin zuen, baina PSG bigarrenak berdindu baino ez Auxerre azkenaren zelaian. Behean, estu segitzen du kontuak, talde asko daude lehian. Gaur partida bat jokatuko dute, Roazhon-Niza, eta asteazkenean, bi: Marseilla-Caen, eta Tolosa-Lyon.  Emaitzak eta sailkapena. 
• Argentinan, Clausuran, berdindu egin dute buruan Bocak eta Newell’s-ek. Avellanedako derbian, Independiete nagusi Racingen aurka (4-1). Gaur osatuko da jardunaldia, Lanus-Atletico Rafaela partidarekin. Emaitzak eta sailkapena.
• Italian, bertan behera geratu zen jardunaldia, Piermari Morosini jokalariaren heriotzagatik.

Bideo honetan, Aregntinara begira jarri gara, Avellanedako derbira.

http://www.youtube.com/watch?v=4vKt4uiHQgs