Athleticek berdindu egin du Sportingen aurka San Mamesen (1-1). Partida ikusi ez duenarentzat, uzta eskasa izango da puntua. Partida ikusi dutenentzat, eskasaren azpikoa. Erraz irabaztekoa izan delako.

Beste askotan bezala, atearen aurrean egin dute kale zuri-gorriek. Penaltia ere urrundu dio Juan Pablo atezainak Muniaini. Llorentek atearean ia azpian ez du asmatu. Ibairi antzekoa gertatu zaio. Denak asmatu gabe eta bat edo beste gauzatuta, beste kolore bat izango zuen kontakizun honek.

Baina futbolean sartu egin behar da. Eta sartzen ez denean, gaurkoa gertatzen da batzuetan: aurkariak sartzen duela, ezer gutxi egin arren.

Luzea izan da partida, hemen atzo aurreikusi genuen bezala. Aukeretako bat zen hala izatea, eta horrela izan da. 76. minutuan sartu du gola De Marcosek. Zailena egina zegoen. Baina azken unean, beste askotan bezala, gola jaso du Athleticek. Eta beste bi puntu joan dira San Mameseko atzeko atetik.

Sailkapenean, 38ra heldu da taldea. Urruti du Txapeldunen Liga: bederatzira.

Bideo honetan, partidako golak:

http://www.youtube.com/watch?v=nNH0jYrIaiw&list=UUacBxjgfEx57m0KcUQr2k3A&index=1&feature=plcp