Jakina da Athleticek baloiaren jabetza duela oinarri bere jokoan. Eta presioa. Bada, bihar, Atletico Madrilek horixe egiten ez dio utziko: direnak eta bi egingo ditu jokoa trabatzeko, erritmoa geratzeko, Bielsaren jokalariak bere onetik ateratzeko.

Beste futbola esaten zaio horri. Itsusia, baina epaileak lagaz gero, eraginkorra. Beste futbol horri ere aurre egin beharko dio taldeak.

Deialdian, Llorente ez dago, ez baita behar bezala osatu.

Sailkapenari begira ere garrantzi berezia du neurketak. Puntu bakarra ateratzen dio Athleticek Atleticori.

Jokoari dagokionez, espainiarren kontraerasoa azkarra eta eraginkorra da. Komeniko zaio Athletici baliabide hori indarge uztea. Nola? Bestea beste, baloia ahalik eta urrutien jokatuz, eta han galduz, galtzen duenean. Leku txarretan galtzen badu, zitalak dira Simeoneren jokalariak.

Lehen itzulian, Athleticek irabazi zion Atleticori (3-0). Bideo honetan, golak: