Asteburu oparoa izan da Bigarren B Mailako gure talde batzuentzat. Eibar, Reala B eta Real Union dauzkagu buruan hori idazterakoan. Hirurek irabazi zuten, eta etorkizuna argitzen hasi dira.

Eibar sendo dabil lehen lau postuetan; hirugarren dago, eta bigarrena den Ponferradina bi puntura dauka. Atzo, Salamancan irabazi egin zuen, galtzen joan eta gero. Arruabarrenak eta Altunak sartu zituzten golak.

Bideo honetan dituzue atzoko golak:

Realak B urratsa egin zuen salbazioa lortzeko bidean. Gure beste talden baten zelaian izan bazen ere. Sestaon irabazle izan zen (1-2). Galtzen joan ziren txuri-urdinak, Elderrek sartu baitzuen gola sestaoarrentzat, baina gero, Ozkoidik eta Castañadek irauli egi zuten emaitza. Reala Bk bi puntu atzetik dauka promozioko lekua, eta hirura jaitsierakoa.

Real Unionek ere irabazi egin zuen. Aspaldiko partez. Palentzian nagusitu zen (0-1). 13 jardunaldi eta gero, garaipena lortu zuen, Iker Alegreren golarekin. Jaitsiera zazpi puntura du orain, eta promozioa seira.

Emaitza guztiak eta sailkapena.