Ruper Ordorikaren kantak ‘Ez da posible’ esaten du. “Ezin liteke”, dator gero. Arrazoi du. Zenbait gauza, hainbat egoera, amestutako istorioak ezin izaten dira lortu. Baina futbola ezberdina da. Dena da posible, ezin litekeela pentsatu arren aldez aurretik.

Galdetu, bestela, Arsenaleko eta Milaneko zaleei. Edo atzo gauean, telebistaz partida ikusten ari ginen guztioi. Txapeldunen Ligako final-laurdenak jokatzeko Milan ia sailkatua zegoela genion denok, joanekoa astindua eman eta gero (4-0). Baina…

Lehen zatian 3 gol sartu zizkion Arsenalek, eta kanporaketa dantzan jarri zuen. Hemen golak:

 
http://www.youtube.com/watch?v=DvN5A_96F-k

Bigarren zatian, izan zuen aukera garbi askoa Arsenalek laugarrena sartzeko, baina Van Persiek kale egin zuen, kale nabarmena. Milanek ere izan zituen bereak, baina lehen zatiko emaitza izan zen bukaerakoa.

Partidako fitxa, hemen.