Emakumezkoen Lehen Mailan, larunbatean ondo hasi ziren gauzak gure taldeentzat, Athleticen garaipen errazarekin, baina atzo, okertu egin zen egoera. Batez ere, Lagunakentzat, jaitsiera postuetan sartu delako.

Malagan galdu egin zuen (3-0), eta espainiarrek aurrea hartu diote sailkapenean. Epaileak ere ez zien asko lagundu nafarrei, erabaki okerrak hartu zituelako. Zazpi partida daramatza irabazi gabe Lagunakek.

Realak ere ez zuen irabazi, baina galdu behintzat, ez zuen galdu. Berdindu egin zuen Huelvaren aurka (0-0) Zubietan, eta aukera galdu du seigarren postura gerturatzeko; lau puntura segitzen du leku horrek, Huelva dagoelako hor. Gainera, atzetik duen Atletico Madril bi puntura gerturatu zaio Realari.

Emaitza guztiak eta sailkapena.