Ezaguna zen 2004 baino lehen, Alemanian klub askotan ibilia zelako. Baina ezagun-ezagun duela 8 urte egin zen. Europako Txapelketan. Grezia txapeldun egin zuenean, finalean etxeko taldeari irabazi eta gero, ezustean.

73 urte dauzka, eta duela 2 urte erretiroa hartu zuen, Grezia utzi berritan. Baina duela egun gutxi batzuk, lanean hasiko dela zabaldu zen: Hertha Berlinek fitxatu du denboraldia amaitu bitartean, Michael Skibberen ordezko gisa.

Beteranoa izanik, ibilbide luzea dauka, eta bide horretan guztian, makina bat markaren jabe da Bundesligan. Hauek dira:

• Partida gehien irabazi duen entrenatzailea da: 387.
• Partida gehien berdindu duen entrenatzailea da: 205.
• Partida gehien galdu duen entrenatzailea da: 228.
• Bere talde denak batu, eta gol gehien sartu duena da: 1.473.
• Bere talde denak batu, eta gol gehien jaso duena da: 1.142.

Ez da harritzekoa marka denak bereak izatea, 1973tik 2000. urtera arte jarraian aritu baitzen lanean Bundesligako taldeetan.

Garaipenen zerrenda hauxe du:

• 2004ko Europako Txapelketa Greziarekin.
• UEFAko Kopa bat: 1992an (Werder Bremen).
• Bundesliga 3 bider: 1988an eta 1993an (Werder Bremen), eta 1998an (Kaiserslautern).
• Alemaniako Kopa 3tan: 1980an (Fortuna Dusserdolf), 1991n eta 1994an (Werder Bremen).