Ametsetan hasi aurreko pausoa
Athleticek Europako Ligan aurrera jarraitzeko Lokomotiv menderatu beharko du gaur San Mamesen (19:00). Joanekoan galdu egin zuen (2-1).
Iluntze handi horietako beste bat izango da gaurkoa San Mamesen (19:00). Lepo beteko dira harmailak, zuri-gorriz jantzita, eta egundoko giroa egongo da. Zelaian jokalariek jokoan izango dutena garrantzitsua baita. Athletic eta Lokomotiv Europako Ligan final-zortzirenak jokatzeko aukeraren bila ariko dira. Joanekoan, errusiarrek irabazi zuten (2-1).
Garaileak Manchester United izango du aurkari, ziurrenik, final-zortzirenetan; joanekoan irabazi egin baitzion Ajaxi (0-2).
Athleticek nola jokatuko duen ez da zalantzarik. Bielsaren taldeek ez dute sekreturik.
Lokomotivek, aldiz, erakutsi zuen joan zen astean, ondoen kontraerasoa menderatzen duela, baina aurkariaren zelaian baloia erabiltzen ere ez da kamutsa. Baina arriskurik handiena Maiconen abiadura eta Caicedo aurrelariaren indarra eta golerako sena ditu. Ondo zaindu beharko dituzte zuri-gorriek bi jokalariok.
Aurtenetxek ez du jokatuko, txartelen pilaketengatik zigortuta dagoelako. De Marcosek jokatuko du haren lekuan, eta De Marcosen tokian Toquero ariko da. Bielsak berak baieztatu zituen atzo aldaketok. Hemen deialdia.
De Marcos, pare bat aurkari atzetik dituela, joanekoan, Moskun. ATHLETIC-CLUB.NET
Bielsaren adierazpen batzuk
- “Taldea oso ondo dago, jokatzeko gogo handiarekin”.
- “Inoiz ez ditut baztertzen aurkariaren dohainak, baina guk beti bezala jokatuko dugu”.
- “Aurkariak zer egingo duen ez dakit, baina ez dut uste defendatzera bakarrik aterako direnik”.
- “Erasotzea gustatzen zait, partida menpean izatea, eta aurkariak ez erasotzea. Ez dira kontuak eta halakoak egin behar. Ezin da jarrerak aldatzen ibili”.
- “Gol bat sartzen badugu, bigarrenaren bila joan behar dugu; eta beraiek sartzen badigute, emaitza horri buela ematera”
Couceiroren adierazpen batzuk
- “Estatistikak alde dauzkagu, etxetik kanpo partida denetan sartu dugulako golen bat. Horrek esan nahi du ez garela aterako defendatzera bakarrik”.
- “San Mameseko giroaz gozatu ahal izango dugu, pozik gaude horregatik, baina emozioak kontrolatu behar ditugu”.
Gaurko beste partidak
Hemen zerrenda osoa:
- Olympiakos-Rubin Kazan (1-0) ( 21:05)
- Besiktas-Sporting Braga (2-0) (21:05)
- Athletic-Lokomotive (1-2) ( 19:00)
- Metalist-Salzburgo (4-0) ( 21:05)
- Manchester United-Ajax (2-0) ( 21:05)
- Schalke-Plzen (1-1) ( 21:05)
- Anderlecht-AZ Alkmaar (0-1) ( 21:05)
- Atletico Madril-Lazio (3-1) (21:05)
- Sporting Lisboa-Legia (2-2) ( 21:05)
- Twente-Steaua (1-0) (19:00)
- Standard Liege-Wisla (1-1) ( 19:00)
- PAOK-Udinese (0-0) ( 19:00)
- PSV-Trabzonspor (2-1) (19:00)
- Club Brugge -Hannover (1-2) (19:00)
- Valencia-Stoke (1-0) ( 19:00)
Atzo jokatua:
Manchester City-Porto (2-1) (4-0)