Giro beroa zegoen atzo Napoliko San Paolo estadioan, berez beroa eta sutsua den zaleak pozarren baitzeuden Chelseari irabazita (3-1). Txapeldunen Ligako final-zortzirenetako partida zegoen jokoan, joanekoa, eta baten beroa bestearen hotzarekin ez zetorren bat. Chelsearen baitan giro hotzegia baitago.

Ez dira ari denboraldi ona egiten, eta atzo ere emaitza txarra izan zuten. Nahiz eta aurretik jarri, Matak sartutako golari esker (27. min.). Baina italiarrek berehala berdindu zuten; Lavezzi argentinarrak sartu zuen (39. minutuan), eta hori gutxi ez, eta Cavanik bigarrena sartu zuen lehen zatiko luzapenean (47. min.). Hirugarrena eta azkena Lavezzik egin zuen (65. min.).

Itzuliko partida martxoaren 14an jokatuko dute, Londresen.

Bideo honetan dituzue atzoko golak:

http://www.youtube.com/watch?v=b7D6sDkC774

CSKAk azken unean berdindu du Real Madrilen aurka

Eguneko beste neurketan, ez zen garailerik izan Moskun. Real Madrilek hartu zuen aurre Cristiano Ronaldoren golarekin (28. minutuan), baina berdindu egin zion CSKAk, Wernbloomen bidez (93. minutuan). Azkenean, 1-1.

Itzuliko partida martxoaren 14an jokatuko dute, Madrilen.

Partida honetako golak, bideo honetan dituzue:

 
http://www.youtube.com/watch?v=MulepNrC-lM