Ezusterik ez Europako Ligako atzoko gainontzeko partidetan
Kanporaketa gehienak estu daude, batetik, baina bestetik, Manchesterreko bi taldeek ia erabakita utzi dute beraiena
Partida erakargarri askoak zeuden atzo Europako Ligako final-hamaseirenetan, joaneko neurketetan. Eta halakoetan gertatu ohi den bezala, batzuetan aurrez uste zena bete zen, eta beste hainbatetan, ez.
Ezusterik ez zen izan. Hori nabarmendu behar da. Faboritoek aldeko emaitzak lortu zituzten ia gehienean. Bestetik, deigarria da emaitzen estua. Ia kanporaketa gehienetan, ez da ziurra zeinek egingo duen aurrera. Salbuespenak ere badira, jakina, eta multzo horretan daude Manchesterreko bi taldeak. Biek irabazi zuten etxetik kanpo. Atletico Madril ere ingelesekin batera dago.
Hauek izan ziren emaitzak denak, Athleticena eta asteartean jokatutako biak barne:
- Rubin Kazan-Olympiakos (0-1)
- Sporting Braga-Besiktas (0-2)
- Lokomotiv-Athletic (2-1)
- Salzburgo-Metalist (0-4)
- Ajax-Manchester United (0-2)
- Plzen-Schalke (1-1)
- AZ Alkmaar-Anderlecht (1-0)
- Lazio-Atletico Madril (1-3)
- LegiaSporting Lisboa (2-2)
- Steaua-Twente (0-1)
- Wisla-Standard Liege (1-1)
- Udinese-PAOK (0-0)
- Trabzonspor-PSV (1-2)
- Hannover-Club Brugge (2-1)
- Porto-Manchester City (1-2)
- Stoke-Valencia (0-1)
Itzuliko partidak datorren astean jokatuko dituzte. Manchester City-Porto neurketa asteazkenean da, eta gainerakoak ostegunean.
Bideo honetan, Ajax-Manchester United partidako golak:
http://www.youtube.com/watch?v=EleZXcrz4P0