Kanpoko lanak dotore egiteko aukera alferrik galdu du Athleticen Moskun, eta etxeko lanekin itzuliko da Euskal Herrira. Galdu egin du Lokomotiven aurka (2-1), Europako Ligako final-hamaseirenetakoen joaneko partidan.

Lehen zati ona jokatu du Bielsaren taldeak, baloiaren jabetzan oinarrituz. Gola ere egin du (Muniainek, 35. minutuan), Susaetak egindako kontraerasoa ederki bukatuz. Ematen zuen aurkari txikia zuela Lokomotiv, nahiz eta kontraerasoan eta urruneko jaurtiketetan arrisku pixka bat sortu. Athleticen lan onak utzi du txiki errusiarren lana.

Baina bigarren zatian aldatu egin da neurketa. Bielsaren jokalariek ez dute asmatu baloia erabiltzen, eta gero eta estuago hartu dituzte etxeko taldekoek. Lehiaren itxura aldaketa hori markagailuan islatu da gero, bi gol sartu dituelako Couceiroren taldeak; Gluxakov (60.minutuan, penaltiz) eta Caicedo izan dira golegileak.

Orain, kanporaketa San Mamesen erabakiko da, gaur zortzi (19:00).

Gaurko partidako fitxa hemen duzue.