Belarra, artifiziala. Tenperatura oso hotza, 10 bat gradu zero azpitik. Elurra. Jokalariek soinean zerekin jokatuko duten. Eta futbola?

Athleticek futbolean jokatu behar du gaur, Moskun (18:00). Aurkari gaiztoena beste futbol talde bat izango du: Lokomotiv. Eta jokoan dutena ez da hutsaren hurrengoa. Europako Liga da, final-hamaseirenak. Joaneko partida.

Bi partidetara jokatzen diren kanporaketetan, aurrenekoan etxetik kanpo aritu behar duenak helburu garbia izaten du: kanporaketa ez galtzea kontrarioaren zelaian. Gaur, Athleticek ezin du emaitza aldrebesik egin. Beste helburu bat izaten da, ahal bada, kanporaketa norbere alderako jartzea; emaitza ona lortzea, alegia. Hori lortzeko bide eraginkorra da etxetik kanpo gola sartzea. Athleticek badu gaitasuna helburu hori gauzatzeko.

Aurkaria ez da samurra izango. Datu batzuk nabarmentzen dira:

• Europako Ligako azken lau partidetan (multzoen fasean), hiru gol sartu ditu partidako.
• Lehiaketako bigarren golegile onena da Dmitri Sytxev.
• Multzoen fasean 13 gol sartu zituen, eta 11 bigarren zatian.

Lokomotiveko jokalarien zerrenda hau da. Gaurko ez dira egongo Loskov kapitaina, Ignatiev, Obina, Tigorev eta Da Costa.

Bielsaren adierazpen batzuk

• “Lokomotivi errespetua eduki behar zaio”.
• “Beti da txarra golak jasotzea, edozein minututan izanda ere”.