Denetarik izan dan 2. B Mailako gaurko jardunaldian. 30.a jokatu dute. Gure taldeen emaitzak hauek izan dira:

• Athletic-Real Union (1-1)
• Amorebieta-Guijuelo (1-0)
• Lemoa-Osasuna B (2-1)
• Sestao River-Alaves (2-1)
• Logroñes-Reala B (3-1)
• Ponferradina-Eibar (4-0)

Beste emaitzak eta sailkapena, hemen.

Emaitza horien ondorioak hauek dira:

• Athletic Bk denboraldi amaiera lasaia izango du, eta Real Unionek puntuak batzen segitu beharko du estutasunetan ez sartzeko.
• Amorebietak sendotu egin du laugarren postua, eta hirugarrena gertuago dauka.
• Lemoak irabazi izanak susperraldia eta poza ekarriko dizkio, baina hain du urruti salbazioa…
• Osasuna Bk ez gora, ez behera segituko du.
• Sestao Riverrek lotu du helburua, eta orain beste zerbaitetan pentsatzeko moduan da.
• Reala B arazoetan da berriz. Jaitsierako kanporaketa jokatuko lukeen taldeak hainbeste puntu dauzka.
• Eibarrek galdu egin du bigarren postua. Hirugarren dago orain.