Jokatu zen asteburuan 2. B Mailako azken-hirugarren jardunaldia, eta aurretik ondo lotuta zeuden hainbat korapilo askatu da. Beste batzuk askatzeko bidean dira, eta lotu antzean segitzen dutenak ere badira.

Jardunaldi honetako emaitzak eta sailkapena.

Hauxe, taldez talde gureen egoera:

• Eibar: lortu du igoerako kanporaketak jokatzeko txartela.
• Amorebieta: laugarren segitzen du, eta hiru puntuko aldeari eusten dio atzetik duen Alavesekiko.
• Alaves: bosgarrena da, eta hiru puntura dauka Amorebieta. Beste lehia batean ere sartua da, gainera: datorren denboraldiko Espainiko Kopan aritzeko lehen bostetan bukatu behar du. Orain, barruan da, baina puntu batera dauka Logroñes, eta hirura Guijuelo.
• Athletic B: lasai ederrean da zortzigarren lekuan. Postu batzuk egin ditzake gora, baina atzekoak ere gainean dauzka.
• Sestao River: sailkapeneko lekua dauka jokoan. Orain, erdian dago, hamargarren. Gorago egin dezake, beherago ere bai. Baina sasoiko helburua bikain bete du, ez jaistearena.
• Osasuna B: hamahirugarren izanik eta 47 punturekin, libre behar zuen, baina oraindik arriskua dauka ez jaisteko kanporaketa jokatzeko. Lau puntura dauka arriskua.
• Reala B: hamalaugarren, eta Osasunaren arrisku berarekin, baina hiru puntu gutxiagorekin. Zuzenean jaisteko arriskua, behintzat, ia uxatu du, bost puntu aurretik baita.
• Real Union: hamabosgarren, eta Reala Bren egoera berean puntuei dagokienez.
• Lemoa: azken sailkatua, baina duintasunez lehian, jaitsita egon arren.

Azken bi jardunaldietan, hauek dira gure taldeen partidak:

37. jardunaldia:

• Sestao River-Eibar
• Palentzia-Athletic B
• Amorebieta-Logroñes
• G. Segoviana-Lemoa
• Alaves-Mirandes
• Real Union- G. Torrelavega
• Reala B-Osasuna B

38. jardunaldia

• Athletic B-Sestao River
• Lemoa-Amorebieta
• G. Torrelavega-Alaves
• Osasuna B-Real Union
• Eibar-Reala B