Gaur gauekoa futboleko partida da. Bi talde aurrez aurre, baloi bat, eta epaileak. Horra zelaiko argazkia. Futbola den aldetik, hainbat ezaugarrik marraztuko dute neurketa. Aldez aurretik, eta gure ustez, hauek izan daitezke gakoak:

• Athleticek ez du jokatzeko eredua aldatuko: presioan oinarrituko da, baloia goian lapurtzeko. Eta baloia ere ardatz izango du.
• Presio hori eraginkorra izango al da Manchesterri baloia kentzeko, ingelesak ukitzen hastean, ukitzen hasten badira?
• Presio horren eraginez, zulo handiak egongo dira Athleticeko atzelarien bizkarrean. Uniteden kontraraerasoa geratzen asmatu beharko dute zuri-gorriek.
• United gai da hainbat modutara jokatzeko, eta baliabide anitz horiek ezereztatu dezakete Athleticen eredua.
• Athletic erritmo bizian aritzen da, eta partida osoan eutsi beharko dio neurri berean. Behera egiten badu, denbora gutxi bada ere, Manchester Unitedek balia dezake une hori.
• Rooney eta Chicharito oso arriskutsuak dira. Argi bi aurrelariekin. Asko eta ondo mugitzen dira, eta azkar.
• United gai da Athleticek nahi ez duen eredua ezartzeko partidan, eta hala gertatzen bada, deseroso ariko dira zuri-gorriak.
• Arlo psikologikoan, zenbateraino zaie erakargarria Unitedeko jokalariei Europako Liga? Txapeldunen Ligatik datozela ezin da ahaztu, eta lehiaketa txikitzat har dezakete.