Jokin Aperribai, Realeko presidentea, prentsaren aurrean azaldu da, eta hainbat gai jorratu du. Batez ere, Mediapro taldearekin duen auzia, telebista eskubideak direla eta. Hauek izan dira Aperribaik eman dituen azalpenak:

MEDIAPRORI BURUZ

• “Realak Mediaprori auzi eskea sartu dio ez digulako ordaindu adostutakoa. Aldiz, guk ez dugu inolako berririk jaso beraien jarri omen diguten auziaz”.
• “Mediaprok Realari 7,3 milioi euro zor dizkio”.
• “Mediaprok nahi zuen guk beraiekin genuen tratua gehiago luzatzea, baina guk ez geunden prest dagokiguna baino gutxiago kobratuko genuen eta”.
• “Guk ez dugu Mediaprorekin genuen hitzarmena edo tratua hautsi. Negoziazioaz ari gara hizketan, guk negoziatu egin dugu”.
• “Gure kontratua ez dago hitzarmena edo tratua eteteari buruzko klausularik”.
• “Realak eskatzen dio Mediaprori zor dion guztia ordaintzeko, eta kontratuaren erresoluzioa, bertan jarritakoa ez betetzeagatik, horri dagokion kalte ordainarekin (10 milioi euro)”.
• “Lege aldetik ez dago zehaztuta klubek telebista eskubideak 3 edo 4 urterako sina dezaketen, baina 5erako ezin da”.
• “Auzi eskearen epaia urteko azken hiruhilekoan ateratzea espero dugu”.
• “Ez dugu utziko Realaren telebista eskubideak negoziatzeko presioa erabil dezaten”.
• “Dagokiguna kobratu bitartean gure ekonomian kalterik egon ez dadin neurriak hartu ditugu”.

SAN MAMESEN SEGURTASUNAREKIN GERTATUAZ

• “Auzitan sartu dugu Prosegur enpresa. Iraingarria izan zen jarrera”.

LEHEN TALDEAZ

• “Aurreko denboraldian gertatu zitzaiena ez da berriz gertatuko. Ikasi dute zer egin, eta Getafera anbizio guztiarekin goaz”.
• “Oso ona da taldeko erreferentzia diren jokalariek kontratuak berritzea. Hemen geratu nahi dutela esan nahi du”.
• “Udan jokalaririk ez dugu salduko, eta horretarako zehaztuta daukagu estrategia”.
• “Mariga joatearekin %50 aurreztu dugu. Jokalariak eta Interrek oso jarrera ona izan dute”.

ENTRENATZAILEEZ

• “Reala pauso sendoak ematen ari da, eta hori lortzen ari diren entrenatzaile guztiei konfiantza eman nahi diegu”.
• “Montanier erabat bat eginda dago Realarekin, oso integratua”.

ANOETAKO PISTEZ

• ” Ez dago albiste berririk, baina Udalarekin hizketan ari gara, eta bide onetik Realaren ikuspegitik”.
• “Udalaren jarrera eskertu nahi dugu. Uste dugu aurreratu egin dugula elkarrizketetan”.