Futbolaren bi alderdi ikusi ziren atzo, Txapeldunen Ligako final-zortzirenetan, itzuliko bi partidatan. Batean, talde batek erraz irabazi zuen, eta bestean, estu joan ziren gauzak.

Erraz irabazi zion Bayernek Basileari (7-0). Egurtu egin zuen. Batere aukerarik eman gabe. Mario Gomezek lau gol sartu zituen, Robbenek bi, eta bestea Mullerrek.

Askoz ere estuago sailkatu zen Marseilla. Galduta sailkatu ere. Interrek irabazi egin zion (2-1), baina joanekoan 1-0 gailendu zirenez frantziarrak, Didier Deschamps lapurtarraren taldeak egin du aurrera. Diego Militok aurreratu zuen Inter (75. min.), eta luzepena gainean zela, Brandaok berdindu (92. min.). Azken jokaldian, Pazzinik eman zion garaipena Interri (97. min).

Bideo hauetan dituzue ikusgai bi partidetako golak:

 
http://www.youtube.com/watch?v=gsB7JDbQziU

http://www.youtube.com/watch?v=BJWcGej2Bc0