Realak eta Osasunak denboraldi-aurreko partida bana dute gaur.

Realak Italian segitzen du, eta Vareseren aurka ariko da (20:45). Aurreko partidan, asteazken gauean, galdu egin zuen Parmaren kontra (2-0).

Azkeneko neurketa bihar izango du, Sienaren aurka (20:45, ETB).

Osasuna, Cadizen

Nafarrak trofeo ezaguna jokatzera joan dira: Ramon de Carranza. Cadizen da taldea, eta gaur izango du finalerdia, Nacional Madeiraren aurka (19:00). Beste finalerdia Rayo Vallecanok eta Cadizek jokatuko dute (22:00). Bihar 3. eta 4. lekua izango da jokoan (19:00), eta finala gero jokatuko da (22:00).

Osasunak asteazkenean jokatu zuen azkeneko partida, eta Zaragoza menderatu zuen Tafallan (1-0). Joseba Llorentek sartu zuen gola.