Txapeldunen Ligako final-zortzirenak gaur amaituko dira. Bi lehia baino ez dira geratzen erabakitzeko: Real Madrilen eta CSKAren artekoa, eta Chelsearen eta Napoliren artekoa.

Joaneko partidetan hauek izan ziren emaitzak:

• CSKA-Real Madril (1-1)
• Napoli-Chelsea (3-1)

Kanporaketa haueteko garaileek zain dituzte beste sei talde: Bartzelona, Benfica, Apoel, Milan, Marseilla eta Bayern Munich.

Real Madril-CSKA (20:45, ETB1)

Joaneko emaitzak berdintasuna iragarri badezake ere, faborito argia dauka kanporaketa honek: Real Madril. Ezuste galanta litzateke Errusiako taldeak Espainiakoa gainditzea.

Real Madrilen ez dira ariko Coentrao eta Di Maria.

CSKAn,Mark Gonzalezek ez du jokatuko. Aldiz, Akinfeev prest da sei hilabetez min hartuta egon eta gero. Eta Honda eta Cauna ere aritzeko moduan dira.

Chelsea-Napoli (20:45)

Napoliko emaitzak aditzera ematen du italiarrak faboritoak direla. Emaitzagatik izan liteke, baina orduko Chelsea eta egungoa ez dira talde bera. Roberto Di Matteo da orain entrenatzailea, eta partida denak irabazi ditu italiarra aulkian denetik. Hala ere, lana beltz egin beharko du aurrera egiteko, kontrako emaitza ez ezik, Napoliren sendotasuna eta erasoko indarra kontrario gaiztoak izango dituelako.

Chelsean, Meirelesek ezin du jokatu, txartelak pilatuta dituelako. Bosingwa ere jokatu ezinda dabil joaneko partidatik.

Napolin, jokalari guztiak daude jokatzeko moduan.

Bi bideo hauetan, joaneko partidetan izandako golak:

 
http://www.youtube.com/watch?v=Vhi5UsTwDE4

http://www.youtube.com/watch?v=24svmRzU0GE