Athletic-Manchester United: ingelesen jokalari zerrenda, eta Llorenterekin zalantzak
Dani, Anderson eta Jones ez dira etorri Euskal Herrira. Scholes eta Valencia, bai. Etxekoen artean, Llorentek gaur ere ez du entrenatu, giharretako arazoak tarteko.
Euskal Herrian da Manchester United, eta jokalari hauek ekarri ditu Alex Fergusonek: Amos, De Gea; Evans, Evra, Fabio, Ferdinand, Rafael, Smalling; Carrick, Cleverley, Giggs, Park, Pogba, Scholes, Young, Valencia; Berbatov, Hernandez, Rooney eta Welbeck.
Dani, Anderson eta Jones ez daude, minez baitira. Berrikuntzak bi dira: Valencia eta Scholes. Bost astez egon da lesioa osatzen ekuatoriarra.
Llorentek gaur ere ez du entrenatu
Athleticen buruko minak beste batzuk dira. Llorenterekin daude arduratuta. Giharretako arazoak dauzka, eta gaur ere ezin izan du entrenatu Lezaman. Ikusi egin beharko da biharko osatzen den.